dem: 20.04.2017 13:08 xwendin: 861

Tirk li ser kursîyên xwe, Kurd jî li ser qûna xwe rûniştin!.. Îkram Oguz

Referandûma Tirk a, ya 16’ê Nîsanê li paş ma.

Tirk çep û rast li ser dewleta xwe…

Kurd, Kurdên ku heta roja 16’ê Nîsanê ji bo „erê“ û „na“ xwe diqelaştin, ew jî li ser qûna xwe rûniştin.

Bi encama referandûmê ra, ne ji bo kurdên ku di hilbijartinê da „erê“ gotibûn tiştek guherî, ne jî ji bo kurdên ku „na“ gotibûn, qîyamet qetîya.

Lê weke, gotineke Tirkan, „Alavêre-dalavêre Kürt Mehmet nöbete!“

Çepê Tirkan careke din dîsa fatura têkçûna xwe ji Kurdan ra derxistin, Kurd ji biratîya xwe avêtin.

Di nav pênceûpênc mîlyon hilbijêran da, tenê hilbijêrên Kurd dibînin û bi dek û dolaban dixwazin careke din Kurd têkevin dafikê…

Ku têkçûna wan neyê xûyakirin, sedem dek û dolaban, dewleta wan ji alî dewletên dinê va neyê şermezarkirin.

Heger ku di encama referandûmê da „na“ zêde derketaba û Erdogan û şûrekaya wî têkbiçûya, bêşik wê gavê jî wan Kurd wek sedemê têkçûna xwe nîşan didan û ji xwe ra deyndar derdixistin.

Jiber ku ev dewlet, Dewleta Kemalîst sed sale bi Gelê Kurd ra dilîze.

Carcaran bi şer, carcaran ji bê şer…

Were hesabê wî, dibêje, „Kurd himdarê dewletê ne!“

Neyê hesabê w, dibeje, „Kurd neyarê dewletê ne!“

Carcaran hîmdar binavdike, dilê Kurdên diltenik germ dike…

Di wê dilgermîyê da ger bi navê biratîya olî, ger bi navê biratîya gelan wan dixapîne.

Asîmîle dike.

Bi koka wan ra dilîze.

Ava wan kêm dike, dilçilmisîne.

Davêje newalekî û li ber mirinê dihêle.

Carcaran jî neyar binavdike, dilê Tirkan, Tirkên çep û rast germ dike.

Bi dilgermîya Tirkan radibe şah…

Bi çek û rextan, bi top û tankan, dest davêjê ser gund û bajarên Kurdan.

Keç û xortan dikuje.

Jin û mêran birîndar dihêle.

Kal û pîran koçber dike.

Zarokan davêje heps û zîndanan û ji kokê va diqelîne…

Mixabin, ne bi xapandina bi dek û dolaban…

Ne bi kuştina bi tank û topan…

Ne jî bi şewitandina gund û bajaran…

Kurd her du rûyên dewletê, durûtîya rêvebirên dewleta kemalîst nabînin.

Jiberku, hinekan xwe bi çepên dewletê va zeliqandine…

Hinekan jî xwe bi putperestên dewletê va girêdane û kapê weris avêtine histûyên xwe…

Hinek çep lê dixin…

Hinek jî rast…

Lê ne şahî şahîya wan e…

Ne jî govend govenda wan…

Kurd, di 16’ê nîsanê da jî bi strana „erê“ û „na“ reqisîn û xwe westandin…

Kemalîst û rêvebirên dewleta kemalist jî li reqsa wan temaşe kirin û kêfa xwe anîn..

Heta şahiyeke din…

Kurdên westyayî li ser qûna xwe…

Tirk jî bi kêf û eşq li ser kursîyê dewleta xwe rûniştin…

20.04.2017

[email protected]

Tevlîker

İkram Oguz
İkram Oguz

Îkram Oẍuz) di sala 1962an da li gundeki Tekmanê, Xanbegîya Jêrin, ji dayîk bû. Mekteba ewil li gund, ya navîn û lîse jî li Erzirumê xwend. Di dema 12ê Îlonê da hate girtin. Di navbera salên 1984-88an da li Zanîngeha Îstenbolê Fakulta Îktisadê xilas kir. Çend salan li Îstenbolê di fîrmayeka taybetî da wek rêvebir xebitî. Bi destpê..Berfirehî

Nivîsên Dawî

Li Bajarê El-Minyeyê Vedîtina Nekropolê Pêkhat
Zanistî

Li Bajarê El-Minyeyê Vedîti..

24.02.2018 22:51    Metîn Eser

Berpirsiyarên ji wezerata serdema Antîk ya Misirê vedîtina nekropoleke kevn eşkere kirin. Li bajarê El-Minyeyê, an jî bi kurtî Minye, vedîtina nekropoleke kevn pêk hat. Di nekropolê de, bi gotineke din di bajarê miriyan de, maskeyeke zêrinî, 40 h..

Bixwîne
      0
San Actun û Şikeftên Mayayiyan
Zanistî

San Actun û Şikeftên Mayayi..

24.02.2018 19:32    Metîn Eser

Şûnwarnas li Meksîka yê, di rêze şikeftên herî dirêj yên di bin avê de, vedîtina hestiyên benîadem yên 9.000 salî kevn û seramîka ji çanda Mayayiyan pêk anîn. Di şikeftekê de hestiyên ajalên bi nav..

Bixwîne
      18
Xebatên Li Ser Zimanê Îşaretê û Zarok
Zanistî

Xebatên Li Ser Zimanê Îşare..

24.02.2018 14:32    Metîn Eser

Pêçekên me dişibin sungêrên kefikê û her îşaret/tevgerên ku em pêk dihînin û gotinên ku em dibêjin, yekser ji me werdigirin. Lêkolîna nû ya li ser pêçekên heya yek salî diyar dike ku pêç..

Bixwîne
      29