xwendin: 2951

Şirovê û Pêşniyarên Komcivîna Sitenbolê

Înîsiyatîfa Rewşenbîrên Kurd, di 8 ê Gulana 2016 ê li Sitenbolê di Weqfa Îsmail Beşîkçî Hola Terasê de, bi beşdarbûna nêzîkî 70 ê nivsîkarên Kurd, siyasetvan, hunermend, dîroknas û ji karên cûda Kurdistaniyên ji nasnameya xwe hayedar û hişyar pêk hat. Di mijarên berîya hingî hatî diyarkirin de beşdaran hizrê xwe derbirîn. Axaftin di rengê formê de hatin meşandin û hatin pejirandin.

Gotûbêj bi kelecanî pêk hatin.
Hizrên zelal û têgihiştbar derketin holê. Hizra pejirandina ku Kurdistan bûye pênc parçe, hatiye parçekirin û parvekirin yek welate dîsan hate derbirîn. Ew destnîşanî hate kirin ku li Kurdistanê Gelekî Kurd û li gel gelên dîtir yên ji zaravayên cûda, bawerî û çandên cûda pêk tên cih digrin. Dîsan hate ravekirin ku di sedeya 21 an de, di gerdûna cîhanê de, di qonaxeka widan de ku amurên ragihandin û peywendiyê yên girseyan gihiştina astên bilind û pêşve diçin. Ji bo ku tevayî mirov û nasname li gel yek wekî hev bijîn, tevayî maf û azadiyên jiyanî û rêvebirî yên di warê netewî û navnetewî de hatine erêkirin ji bo Kurdan jî pêdiviyeka jiyanî ye. Hate derbirîn ku Kurdên li pênc parçeyên Kurdistanê yên nêzîkî 50 milyon in divê bi nasnameya xwe ya netewî xwe birêve bibin.
Di civînê de hate derbirîn ku divê dijî hemî nexş û kiryarî, tepeserî û tunedîtinên dijî zimanê ji aliyê vê nasnameyê ve tê bikaranîn, çand û bi giştî hemî diyardeyên vê nasnameyê didin jiyankirin, Kurdistanî di nava hevgirtinê de têbikoşin. Di gotûbêjan de hate derbirîn ku ew hizra Înîsiyatîfa Rewşenbîrên Kurd tune ku bibe nunerê Kurdistanê, lê belê dê dijî hemî arîşeyên li Kurdistanê hişyar be û di wê hêzê de be da dest bavêje birêveçûna neyênî.

Di warê hizrî de careka dîtir hate pejirandin ku bi awayê rêvebiriya girêdayî xakê azadbûn pêkane û sazîbûneke bê dewlet dê ne pêkanbe.
Hate bilêvkirin ku di Kurdistana parçebûyî de, siyaset û helwestên parçebûna komên siyasî rewa dibînin ne kiryarên pejirandinê ne.
Hate derbirîn ku bi lezgîn pêdivî heye di sedsala 21an de tevger û bizavên Kurd li Kurdistanê bi peymannameyeka li gorî rêbazên tevgerîna hevbeş di çarçoweya rêzgirtina li himber xwe de, ya ku mafên mirovan yên cîhanî, xweza û şûnwar, dîrok û jiyana çandî têde bêne parestin li hev werin. Hate diyarkirin ku ew bîrdozî û îdeolojiyên bi çemkên Cîhanî û Ummetî ketine rê, rastiya gelê Kurd û welatê Kurdistan piştdest dikin, dixwazin azadbûna wê asteng bikin tu sûdê nadin û berovajî wêya jî azadbûna Kurdistanê asteng dikin.
Di derbarê Însiyatîfa Rewşenbîrên Kurd de hate diyarkirin ku hîna jî kêmasiyên hizrî dibê hebin lê belê bi bêhtir civîn ku kombûnan, axaftin û gotûbêjên azad, bi navxweyîkirina hizir û berpirsiyariya rewşenbîrî, bi berpirsiyarî nêzîkbûna arîşeyan di çareserkirina arîşeyan de dê bibe şêwazê bingehîn.
Hate pejirandin ku pêwiste jinên Kurdistanê yên xwedî dewr û wekî nîşana aşîtiya navbera Kurdan, ya demokrasî û hewldana nûjen, xwedî li nasnameya xwe derkevin, têbikoşin û bi rengekî çalak di nava Înîsiyatîfa Rewşenbîran de cih bigrin.

Wekî dîtir hate diyarkirin ku divê Înîsiyatîfa Rewşenbîrên Kurd divê giringiyeka taybet bide karên akademîk û yên sazîbûnê.
Hate pêşniyarkirin ku civînên dahatiyê jî bi tevlîbûneka bêhtir pêk bên û ji bo têr û di asteka baştir de pêk bên pêşniyar û gotûbêjên civînên berê bêne berçavkirin û encamên pêwist bêne derxistin.

Hate diyarkirin ku di warê rewşenbîran de, axaftina Kurdan li gel Kurdan derveyî zimanê Kurdî bi zimanekî dîtir axaftin dê ji bo nijadkujiya dijî Kurdan bibe arîkarî û bê nivîsandin û xwendina mirov nabe nivîskar, çalekvan û rewşenbîrê Kurd. 

Li ser navên “ Înîsiyatîfa Rewşenbîrên Kurdistan “,“Platforma Rewşenbîrên Kurd “,“ Înîsiyatîfa Serxwebûnxwazên Kurdistan“ û hwd. hate axaftin. Hate diyarkirin ku ev mijar careka dîtir di ber çavan re bête derbaskirin.

Înîsiyatîfa Reşenbîrên Kurd (ÎRK)

8 Gulan 2016
Sitenbol

image

image

image

image

image

image

MAY 11, 2016

Tevlîker

Hejarê Şamil
Hejarê Şamil

 Rojnamevan, endamê ÎRK  Berfirehî

Nivîsên Dawî

Metoda Nû ya Tespîtkirina Nexweşiya Kula Heftpençeyê
Zanistî

Metoda Nû ya Tespîtkirina N..

18.11.2017 16:57    Metîn Eser

Lêkolînerê kula heftpençeyê yê pirr bi nav û deng Bob Pinedo derbarê xebatên xwe yên li ser nexweşiya kula heftpençeyê agahiyeke girîng ragihandiye. Bob Pinedo wiha dibêje; “Di çend salên li pêşiya me de dê testek..

Bixwîne
      45
Xebatên Li Ser Atlasa Mirovokî(Robot)
Zanistî

Xebatên Li Ser Atlasa Mirov..

18.11.2017 13:36    Metîn Eser

Robota dişibe mirov, roboteke ewqas baş û jêhatiye ku meriv jê ditirse. Robota mirovokî êdî dikare teqleyên paşpêkî jî biavêje. Xebatkarên Boston Dynamicsê ku berê beşek ji robotên Googleyê bû, xebatên xwe berdewam diki..

Bixwîne
      38
Bandora Xwedîkirina Kûçikê ya Li Ser Tenduristiya Mirov
Zanistî

Bandora Xwedîkirina Kûçikê ..

17.11.2017 23:08    Metîn Eser

Lêkolînên berê yên li ser kûtî/kûçikan diyar kiribû ku tenduristiya kesên di mala xwe de kûçik xwedî dikin, ji tenduristiya kesên kûçik xwedî nakin, baştir bûye, bi taybetî kesên bi tenê ser&ecir..

Bixwîne
      84