dem: 28.02.2018 21:27 xwendin: 163

Proteîna Alzheimerê Çawa Mêjiyê Me Dadigire

Lêkolînerên cihêreng bi xebata xwe vedîtin ku proteîna-alzheimerê çawa mêjiyê kesên kal û pîr dadigire, bi gotineke din, vedîtin ku alzheimer çawa pêşdikeve û belav dibe. Lêkolînerên ji Zanîngeha Maastricht (UM) û Harvard Medical Schoolê a li bajarê Bostona Amerîkayê ye dîsa têkiliya pêşketin û belavbûna proteîna-alzheimerê ya bi pirsgirêkên bîrayî/zîhnî jî tespît kirine.

Nexweşiya Alzheimerê ji cureyên cihêreng yên xurifîtiyê ya pirr rûdide ye û bi zêdebûn û kombûna du proteînan yên bi navê “amyloïd bèta” û “tau-proteîn”ê rûdide. Xebateke berê destnîşan kiribû ku zêdebûn û kombûna proteînan, çend sal beriya diyarbûna semptomên pêşin yên weke jibîr kirinê, rûdide.

Koma lêkolînerên ji UM û Harvardê ku Heidi Jacobs û Keith Johnson rêvebirên komê bûne, li Bostonê bi qasî şeş salan li ser kal û pîrên bijûn/saxlem yên ji 64 heya 90 salî bûne, xebatên xwe pêk anîne. Ji ber ku xebat bi qasî şeş salan berdewam kiriye, lêkolîner karibûne têkiliya proteînên di mêjiyê kesên kal û pîr de bi çalakî û veguherînin bîrayî/zîhnî re tespît bikin.

Lêkolîner ji bo pîvandina tau-proteînê madeyeke radyoaktîf bikar anîne ku madeya radyoaktîf li proteîna-alzheimerê digerî û dorpêç dikir û navê wê madeyê jî PET-tracer e. Bi vê awayê pêderxistine ku tau-proteîn, bi rêya girêkên di navbera şaneyên mêjiyê ku jê re madeya spî jî dihêt gotin, belav dibin. Bi heman awayê li ser proteîna amyloïd bètayê xebatên xwe pêk anîne.

Xebatkarên heya vê gavê li ser nexweşiya alzheimerê xebitîne, dizanin ku zêdebûn û kombûna proteînan, rê li ber nexweşiyên bîrayî/zîhnî vedike. Lêbelê xebata Jacobs û hevkarên wê yên Amerîkayî hevkarîgeriya di navbera proteîna amyloïd û tau-proteînê vedibîne, û dîsa tespît kirine ku hevkarîgeriya proteînan rê li ber pirsgirêkên bîrayî/zîhnî û xurifîtiyê vedike.

Xebata Jacobs û hevkarên wê karekî pirr girîng pêk anîne ku xebat, perdeya li ser nexweşiyê radike û rê li ber lêgerînên tedawîkirina nexweşiya Alzheimerê vedike. Ji ber ku xebata Jacobsê, dikare nexweşiyê beriya diyarbûna semptomên pêşin yên nexweşiyê tespît bike, Jacobs pêdivî bi berfirehkirina xebata xwe dibîne.

Jacobs wiha dibêje; “Me di xebata xwe ya pêşin de xebatên xwe li ser mêjiyê kesên di navbera 64 û 90 salî de bûn, pêk anî. Lê divê em tiştekî ji bîr nekin û li ser “teşhîsa zû” baldar bin. Ji ber vê jî em a niha li ser xebateke nû hûr dibin û dixwazin bi xebata xwe ya nû li ser mêjiyê kesên di navbera 20 heya 90 salî de ne bixebitin.”

Çavkanî: Science

Tevlîker

Metîn Eser
Metîn Eser

"Metîn Eser, li gundekî bi navê "Ûzev"ê ya bi navçeya Depê û bajarê Xarpêtê re girêdayî ye, Xwedê daye. Li gundê xwe destpê dibistanê dike, dema 6 salî ye bavê wî li gund muxtar bûye, lêbelê bavê wî weke pirraniya Kurdên derveyî welêt, ji ber zilm û zextên dewletê bêgav dimîne &uc..Berfirehî

Nivîsên Dawî

Jinên Ducanî û Toksîkoza Ducanîtiyê
Zanistî

Jinên Ducanî û Toksîkoza Du..

07.03.2018 19:43    Metîn Eser

Lêkolînerên ji Zanîngeha Hasselt û Nexweşxaneya Oost-Limburgê piştî xebatên ku ji 12 salan zêdetir berdewam kiriye, biser ketin ku çalakiyên mekanîzmaya a dibe sedema toksîkoza(bijehrî bûn) ducanîtiyê, vebînin. Damar&ecir..

Bixwîne
      186
Paleontologên Cihêreng Vedîtina Fosîla Çûçikeke 127 Salî Pêk Anîn
Zanistî

Paleontologên Cihêreng Vedî..

06.03.2018 19:06    Metîn Eser

Lêkolînerên navneteweyî vedîtina fosîla çûçikeke pirr piçûk pêk anîn. Çûçika piçûk 127 mîlyon sal berê li tenişta îzdeharan li ser rûyê erdê jiya bûye. Heya a niha vedî..

Bixwîne
      160
Di Dîrokê De Deh (10) Îcadên Mezin
Zanistî

Di Dîrokê De Deh (10) Îcadê..

05.03.2018 19:51    Metîn Eser

Di dîrokê de 10 îcadên ku li ser rûyê erdê veguhirandineke daye destpê kirin.   10. Thomas Edison - vîdeocamera û ampûl.   Thomas Edison di roja 11ê reshemiyê (shibatê) ya sala 1847an de li Milan-Ohioyê Xwedê day..

Bixwîne
      232