dem: 11.11.2017 19:17 xwendin: 408

Ji Nû Ve Vejandina Şaneyên Bixesar û Kevn

Di têkoşîna li hember kalbûn/pîrbûnê de vedîtina metodeke nû pêk hat: madeya di nav şeraba sor de jî dihêt dîtin dikare şaneyên bixesar û kevn ji nû ve vejîne.

Lêkolînerên Brîtanyayî vedîtina metodeke nû pêk anîn, metoda nû dikare şaneyên kevn û bixesar ji nû ve vejîne. Lêkolîner şaneyên bixesar û kevn bi madeyeke kîmyayî tedawî kirine û çend saet li pey tedawiyê şaneyên bixesar û kevn destpê perçebûnê kirine. Tiştê balkêş ya vê lêkolînê ev e ku: madeya “resveratrol” ya ji bo ji nû vejandina şaneyên bixesar û kevn bikar anîne, di şeraba sor û çîkolatayê de jî heye

Lêkolîna nû weke xebatên berê yên li ser kalbûn/pîrbûnê diyar dike ku bi kalbûn/pîrbûnê re gav bi gav û li peyhev hin şane jî çalakiya xwe wenda dikin. Lêkolînerên ji zanîngeha Exeter û Brighton bi xebata xwe vedîtin ku genên, çalakiya xwe wenda kirine, dikarin bi madeyeke kîmyayî dîsa vegerin li ser rewşa xwe yê berê, bi gotineke dikin dîsa destpê çalakiyê dikin.

Madeya resveratrol madeyeke kîmyayî ye û di şereba sor, çîkolata, tirî û pêşikê de heye. Piştî bikar anîna wê madeyê şaneyên bixesar û kevn perçe-perçe û telomera şaneyên bixesar û kevn dirêj bûne. Telomer di dawiya kromozoma DNAyê de dihêt dîtin û karê telomerê jî parastina kromozomê ye ku jê re “devikên parastinê” jî dihêt gotin. Dema meriv kal/pîr dibe, devikên parastinê jî kurt dibin. Lêkolîner bihêvî ne ku metoda nû rê li ber terapiyên nû yên kalbûn/pîrbûnê û nexweşiyên dejeneratîf vebike.

Mirovên kal û pîr zû bi zû nexweş dikevin û sebeba sereke ya nexweşiyên kal û pîran jî ev e; raçînka mirovên kal û pîr, şaneyên bixesar û kevn berhev dikin û vedişêrin. Genê bi navê “splicing” dikare rê li ber kombûna şaneyên bixesar û kevn bigire, lê genê “splicing” di laşê kal û pîran de hema-hema qet çalak nîne. Lêkolînên berê jî diyar kiribûn ku şaneyên bixesar û kevn yên di lebatên kal û pîran de dihêt dîtin, genê “splicing” pirr kêm bûye. Bi madeya resveratrol ji nû vejandina û zêdekirina genên splicing pêk dihêt.

Çavkanî: The Independent

Tevlîker

Metîn Eser
Metîn Eser

"Metîn Eser, li gundekî bi navê "Ûzev"ê ya bi navçeya Depê û bajarê Xarpêtê re girêdayî ye, Xwedê daye. Li gundê xwe destpê dibistanê dike, dema 6 salî ye bavê wî li gund muxtar bûye, lêbelê bavê wî weke pirraniya Kurdên derveyî welêt, ji ber zilm û zextên dewletê bêgav dimîne &uc..Berfirehî

Nivîsên Dawî

Nexweşiya Paraplejiyê û Tedawiya Nexweşiyê
Zanistî

Nexweşiya Paraplejiyê û Ted..

03.11.2018 19:57    Metîn Eser

Sê mêrên ku bi nexweşiya paraplejiyê (ji ber qelsbûna tûreyên di marîpiştê de rûdide) nexweş ketibûn û nedikaribûn bilivin, bigerin, bi xêra teknîkeke nû a li Swîsreyê îcad kirine, dîsa destpê gerê ..

Bixwîne
      119
Lavocatisaurus agrioensis
Zanistî

Lavocatisaurus agrioensis

03.11.2018 10:47    Metîn Eser

Lavocatisaurus agrioensis: li Arjantînê vedîtina îzdehareke nû pêkhat. Paleontologên Îspanyayî û Arjantînî li Arjantînê, li nêzikê Andesê, jêmahiyên cureyeke îzdeharê a ku 110 mîlyon sal ber&ecir..

Bixwîne
      182
Jinên Ducanî û Toksîkoza Ducanîtiyê
Zanistî

Jinên Ducanî û Toksîkoza Du..

07.03.2018 19:43    Metîn Eser

Lêkolînerên ji Zanîngeha Hasselt û Nexweşxaneya Oost-Limburgê piştî xebatên ku ji 12 salan zêdetir berdewam kiriye, biser ketin ku çalakiyên mekanîzmaya a dibe sedema toksîkoza(bijehrî bûn) ducanîtiyê, vebînin. Damar&ecir..

Bixwîne
      453