dem: 24.11.2016 01:41 xwendin: 300

Înîsiyatîfa Rewşenbîrên Kurd; Em Federasyona Rojavayê Kurdistanê pîroz dikin!

 

Di civaknasiya siyasetê de, pevçûnên desthilatiya siyasî û nijadî ya bicihbûyî ji bo kesên rastteqîn çiqasî dûr be, li gorî hizirvanên avakirina civakî jî ewqas nêzîk bûn. Di vê wateyê de, ji bo azadiya welatê me, serbestiya gelê me yê bi piyên tazî diviya hindek berdêl bêne dayîn. Ji ber li gorî xwezaya desthilatiya siyasî, her gel bi dayina berdêla serxwebûna xwe bidest dixe.

Di sedsala dawî de wekî gel, me di vê rêkê de gelek soysebat û serpêhatî jiyan kirin. Li xaka Başûrê welatê me hêzên Pêşmerge, dijî dijminan bi qehremanî şer kirin, berdêlên giran dan û Rêvebiriya Kurdistana Federe bidest xistin.

Li Bakurê Kurdistanê, bajar û bajarokên welêt ji aliyê Dewleta Dagirker ya Tirk ve hatibin rûxandin, gelê me di komkujiyeka hovane ve derbas dibe jî, Tank li ser termên ciwanên me ve bêne ajotin jî, gelê me neçarî derbederî û mişextiyê hatibe kirin jî, em rojeka wisan dîrokî dijîn ku kêm jî be van êşan bi me bide jibîrkirin.

Belê; hêzên Siyasî yên Rojavayê Kurdistanê di encama civîna 2 rojan de ya li bakurê rojhilatê Hesekê navçeya Remela de Rojavayê Kurdistanê wekî Federasyonê ragihandin.

Em di encama cangoriya hêjayan şervanên Kurd Şehîdên me, siyasetvan, Rewşenbîr û gelê me yê welatparêz de tunekirin û avêtina hebûna dijminan li ser axa Rojava, qehremaniyeka mezin dibînin û wekî dîtir jî piştevaniya ji aliyê hêzên welatên rojavayî ve bo şervanên û siyasetvanên me re hatî dayîn sipasiya wan dikin.

Û ev destkeftî, destkeftiyek ji wan yên herî mezin yê Kurdane di vê sedsalê de. Em dibin şahidê wê yekê ku xeyalên me pêk tên. Hemî erda welatê me gav bi gav dê ji bin dagirkeriya dijmin bê rizgarkirin. Pêkhatina federasyonê li Rojavayê Kurdistan wekî gel em gelekî bextewer kirine. Bi vê boneyê wekî Komîteya Amadekar ya Înîsiyatîfa Rewşenbîrên Kurd em Ragihandina Hêzên Siyasî yên Rojavayê Kurdistanê ya Federasyonê gelek hêja dibînin û hetanî dawî piştevaniya xwe rave dikin. Em dixwazin ku ev destkeftî di navbera gelê me û siyasetvanên me de yekîtiya Netewî, biratî, hezkirin, dad û çanda demokrasiyê pêk bîne.

 

Komîteya Amadekar ya Înîsiyatîfa Rewşenbîrên Kurd

Nivîsên Dawî

Metoda Nû ya Tespîtkirina Nexweşiya Kula Heftpençeyê
Zanistî

Metoda Nû ya Tespîtkirina N..

18.11.2017 16:57    Metîn Eser

Lêkolînerê kula heftpençeyê yê pirr bi nav û deng Bob Pinedo derbarê xebatên xwe yên li ser nexweşiya kula heftpençeyê agahiyeke girîng ragihandiye. Bob Pinedo wiha dibêje; “Di çend salên li pêşiya me de dê testek..

Bixwîne
      45
Xebatên Li Ser Atlasa Mirovokî(Robot)
Zanistî

Xebatên Li Ser Atlasa Mirov..

18.11.2017 13:36    Metîn Eser

Robota dişibe mirov, roboteke ewqas baş û jêhatiye ku meriv jê ditirse. Robota mirovokî êdî dikare teqleyên paşpêkî jî biavêje. Xebatkarên Boston Dynamicsê ku berê beşek ji robotên Googleyê bû, xebatên xwe berdewam diki..

Bixwîne
      38
Bandora Xwedîkirina Kûçikê ya Li Ser Tenduristiya Mirov
Zanistî

Bandora Xwedîkirina Kûçikê ..

17.11.2017 23:08    Metîn Eser

Lêkolînên berê yên li ser kûtî/kûçikan diyar kiribû ku tenduristiya kesên di mala xwe de kûçik xwedî dikin, ji tenduristiya kesên kûçik xwedî nakin, baştir bûye, bi taybetî kesên bi tenê ser&ecir..

Bixwîne
      84