dem: 19.02.2017 10:10 xwendin: 1095

Cihgirê Sekreterê Giştî yê PDK Îranê Hesen Şerefi

Destpek

Lidarxistina Kongireya Neteweyî a kurdan li du sê salên derbasbûyî de mijarekî germ û gur ya medya û raya giştî bûye. Çavkaniya vê bas û qalê jî, xwe li guhertinên dever û cîhanê de dibîne ku bilez diqewimin û hewce dike kurd jî li van guhertinan de nexş û rola xwe bilîzin û ji bo dabînbûna maf û azadiyên xwe bibandor bin, ji bo vê yekê jî, hewceyî gotarek netewî ya hevgirtî heye ku li nav hevkêşeyan de hisab li ser were kirin.
Lê serbarê hewcehiya pêkanîna kongireya neteweyî a kurd, hin pirsên din jî hene ku asteng in li ser riya gihîştin bi vê armancê. Bo mînakê kurd li her parçeyek ji Kurdistanê de xwedî çend hêz û partiyên siyasî ye ku nerîn û ramanên wan ji hevdu cuda ne û nekarîne serbarê cudahiyan, li dor pirsên giştî û netewî li hev bihên û hevgirtî bin.
Kurd li her parçeyek Kurdistanê de li dijî desthilata wî welatî li xebat û tekoşînê de ye û li pêvajoya vê tekoşînê de jî, têkilî û hevaltiyê bi welatên cîran û wan desthilatan re dikin ku li dijî mafê kurd di parçeyê din ê birayên xwe de ne. Ew têkilî nerewa ninin, lê ger ev du merc têde nehên berçavgirtin û ewqas pêşde çûbin ku riya vegerê nemabe, û ew têkilî bi zirara tevgera kurd li parçeyên din bi dawî nebe, ji xwe re dibe alîkarek ji destwerdana wan welatan û givaşanîna ser kurdan ji bo ava nekirina têkiliyên kurdane bi hevdu re.
Ez bi xwe ku endamê 21 kesî ê heyeta avakarê Kongireya neteweyî a Kurd bi beşdariya part û aliyên siyasî ên her çar parçeyên Kurdistan im, vê yekê bi eşkere dibînim. Bo mînak, rejîma Îslamî ya Îranê zext û givaş xiste ser hin aliyan di parçeyên Kurdistanê de ku nabe girîngî bi partiyên kurd ên Rojhilata Kurdistanê were dayîn û nabe riya tesîrdayîna wan vekirî be û herweha nabe qala bêmafî û bindestiya kurdan di Îranê de were kirin!
Bi kurtî, astenga sereke yan pêşberî avanebûna Kongireya netewî a kurdan, hejmonîxwaziya hin aliyan, maytêkirin û givaşên desthilatên zal bi ser Kurdistanê de bû, nexa karên vê heyetê bi başî pêşve diçûn û yasa û ayînname ji bo çend Komîsyonên hewcedarî Kongireya Netewî darişt û gihand encamê jî. Pir asayî ye ger ku partî yan aliyek siyasî bi tena serê xwe û li çarçoveya bernameya xwe de tiştek bi navê Kongireya netewî ava bike û yên din jî ku li avakirin û pilandanîna wê de beşdar nebûne, pişikdar nebin, ji ber ku kongireyên bi vî awayî ne dibin kongire û ne jî bibandor dibin.
 

Dursun Ali Küçük: Çawa dikare bi mifahstandin ji ezmûn û ceribînên borî, kongireyek netewî bê lidarxistin?
 

Hesen Şerefî: Her dema ku hêz û aliyên siyasî dev ji pawanxwazî, hejmonîxwazî, xwe ferzkirin û bikaranîna Kongireyê ji bo meremên xwe anîn, em dikarin bibêjin ku Kongireya Netewî dikare bê lidarxistin, lewma berî pêkhatina kongireyê, dibe tekoşîn ji bo rakirina van astengan bihê kirin.

P: Gelo dibe ku em bi kurtasî basa Kongireya Netewî a Kurdistanê bikin ku ji bo her kesî/ê be û tev kes û aliyan ji li xwe de cih bide?

Hesen Şerefî: Ger ku kurd bikarin li ser şêwaz û metoda dabînbûna mafên kurdan li hemû parçeyên Kurdistanê de li hev bên û li ser sirûda netewî, ala Kurdistanê, navê hêza xebatkare kurd û ...hwd li hev bikin û bi biryarek hevbeş bigihîjin, bila li ser tiştên mayî nerînên cuda jî hebin, hingê dikare ew kongire pêk were.

P: Li warê piratîkî ve çawa dikare bigihin nirx û pîvanên hevbeş ên Kurd û Kurdistanê  û li vê derheqê de biryarên hevbeş bidin?

Hesen Şerefî: Nirx û pîvanên hevbeş li çarçoveyek giştî de him girîng in û him jî ewqas zaf ninin ku bo hertim li netebayî de vemînin. Yên ku li bersiva pirsiyarên berê de min ji we re zelal kirin, piraniya hêz û aliyên siyasî li her çar parçeyên Kurdistanê li ser de hevdeng in, lê mixabin aliyên wusa jî hene ku van nirx û pîvanan napejirîne, çima jêre zelal ninin? Lewre dibe ku raya giştî ya kurdan lome û rexneyan ji van aliyan bigre û givaşan jêre bîne daku xwe ji nirx, buha û sembolên netewî bi dûr negrin û xwe cuda nekin.
 

P: Çima part û aliyên siyasî banga lidarxistina Kongireya Netewî dikin, lê piştre ji bîr dikin û hewl û tekoşîna wan tenê di çarçoveya daxuyanî û bangeşeyê de dimîne?

Hesen Şerefî: Her part û aliyekê ku heya niha bangeşe ji bo Kongireya Neteweyî a kurd kiriye, tenê îdea û bangeşe nebûye, belkî kar û xebat jî jêre kiriye, lê ji ber ku bona armancek taybetî û li çarçoveya berjewendiyên partiyekê û li baştirîn halet de parçeyek Kurdistanê bûye, negihaye armancê û ser negirtiye. Lewre eva ne jibîr kirin e, li rastî de sernegirtin û bêhêvî bûn e. Lê ger her aliyek kurdî ku dost û hevalê welatek cîran e û ji ber berjewendiyên wî welatî, kurdên wê parçeyê nede alî û perawêz neke û buha û girîngiya hewce jêre bide û berjewendiyên her çar parçeyên Kurdistanê û kurdan bi giştî berçav bigre û wekî gotina min ya berê, hejmonîxwazî û pawazxwaziyê nehîne rojevê, yekîtiya kurdan û pêkhatin û lidarxistina Kongireya Netewî a kurd jî tevî hemû pirsgirêk û astengan, mehal û nemumkin nine, çiqas zehmet be jî.
*Hesen Şerefî
 *xelkê bajarê Mehabadê
*Cihgirê Sekreterê Giştî yê PDK Îranê

Tevlîker

Dursun Ali Küçük
Dursun Ali Küçük

Berfirehî

Nivîsên Dawî

Jin û Berxwedana Jinê
Zanistî

Jin û Berxwedana Jinê

18.01.2018 18:58    Metîn Eser

Li seranserê cîhanê temenê jinê li hember temenê mêr dirêjtir e. Li hin welatên pêşketî temenê jinê bi qasî 10 salan ji temenê mêr dirêjtir e. Lê xebateke ku berfireh ya li çarkoşeyê cîhanê pê..

Bixwîne
      52
Balînayên Kujer û Menopoz
Zanistî

Balînayên Kujer û Menopoz..

16.01.2018 19:56    Metîn Eser

Çawa jin dikevin menopozê, wisa jî balînayên kujer yên mê di navbera temenê xwe yê 30 û 40 salî de, bi dil û daxwaziya xwe dikevin dewsa balînayên kujer yên nêr. Temenê balînaya kujer bi qasî 90 salan e û h..

Bixwîne
      65
Li Zelandaya Nû Vedîtina Fosîlên Şevşevoka Kolîner Pêkhat
Zanistî

Li Zelandaya Nû Vedîtina Fo..

14.01.2018 14:52    Metîn Eser

Li Zelandaya Nû vedîtina fosîla şevşevokeke tune bûyî pêk hat. Lêkolînerên cihêreng bi xebata xwe li Zelandaya Nû vedîtina fosîlên “şevşevoka kolîner” pêk anîn. Şevşevoka kolîner bi qasî sê caran ji..

Bixwîne
      83