dem: 03.05.2017 18:07 xwendin: 719

Çêleka bi dizî were ga, aşkere dizê!.. Îkram Oguz

Kîngê ji sîyaseta Kurd, Kurdên ku di hin rawestgehên nawendî da ji sîyaseta Kurd û Kurdistanî dûr dikevin û nêzikî neyarê xwe dibin, dibînim û eciz dibim, xwe davêjim ber bextê dengbêjan û li wan guhdarî dikim.

Bi kilam û stranan birînên xwe disotînim û radibim ser xwe.

Berê xwe didim nav gûlîstanên edebîyata Kurdî ya devki.

Li gotinên pêşîyan digerim...

Di wan gotinan da xwe û civata Kurd dibînim.

Rastî û durûtî, dizî û çilpizî, bîr û bawerî, mêr û jin, serdest û bindest,  tiştên ku bi mirov û mirovatîyê va girêdayî, ew hemû di nav gotinên pêşîyan da, gotinên ku wek ava zelal diherikin, tên dîtin...

J bo têkîlîya jin û meran;

Jina xirab ketîye dest merê çê, ne tê kuştin ne tê berdan!..

Mirov dikarê vê pêşgotine wuha jî buguherîne;

Mêrê xirab ketîye dest jin a çê, ne tê kuştîn ne tê berdan!..

Ji bo wekhevîtîya jin û mêr;

Şêr şer e, çi jin e çi mêr e!..

Mêr çem be, jin behr e!..

Ji bo civateke vekirî;

Çêleka bi dizî were ga, aşkere dizê!..

Dawîya derewan hata nîvê şevê ye!..

Li ser dewlemendî û feqîrtîyê;

Hê hesp tu ne, lê afir jê ra çê dike!..

Bêrika feqîran vala ye, qelbê wan tijî ye!..

Ji bo jîrtî û teralîyê;

Heger havînê tu li ber sîyê pal bidî, tu yê zivistanê jî zikê xwe mist bidî!..

Yê havînê serê wî kelya ye, zivistanê kasika wî dikele!..

Ji bo çavnebartî û çavbirçîtîyê;

Tu ji min ra çi dixwazî, bila Xwedê du qatî wî bide te!..

Pîrê bawer nedikir mêr bike, mer kir niha dawa heftik û heyştikan dike!..

Ji bo tirs û cesarêtê;

Berxê nêr ji bo kêr e!..

Ji şertên mêranîyê 99 neh, rev e!..

Ji bo axa û xulaman;

Malê axa tere, canê xulam derdikeve!..

Jib o şêx û melan;

Mirudê nezan şêxê xwe şaş dike, şêxê nezan mirudê  xwe di erdê da kaş dike!..

Xwarina xweş cemaatê dikşîne ser sifrê, melayê şaş cemaatê dibe ser kufrê!..

Îro jî evqas bes e.

Li pêy van gotînên xweş, dixwazim bi pirsek B. Franklin nivîsa xwe biqedînim.

“Di kesên din da qencîyê, di xwe da li xirabîyê bigerin.“

03.05.2017

Tevlîker

İkram Oguz
İkram Oguz

Îkram Oẍuz) di sala 1962an da li gundeki Tekmanê, Xanbegîya Jêrin, ji dayîk bû. Mekteba ewil li gund, ya navîn û lîse jî li Erzirumê xwend. Di dema 12ê Îlonê da hate girtin. Di navbera salên 1984-88an da li Zanîngeha Îstenbolê Fakulta Îktisadê xilas kir. Çend salan li Îstenbolê di fîrmayeka taybetî da wek rêvebir xebitî. Bi destpê..Berfirehî

Nivîsên Dawî

Li Bajarê El-Minyeyê Vedîtina Nekropolê Pêkhat
Zanistî

Li Bajarê El-Minyeyê Vedîti..

24.02.2018 22:51    Metîn Eser

Berpirsiyarên ji wezerata serdema Antîk ya Misirê vedîtina nekropoleke kevn eşkere kirin. Li bajarê El-Minyeyê, an jî bi kurtî Minye, vedîtina nekropoleke kevn pêk hat. Di nekropolê de, bi gotineke din di bajarê miriyan de, maskeyeke zêrinî, 40 h..

Bixwîne
      0
San Actun û Şikeftên Mayayiyan
Zanistî

San Actun û Şikeftên Mayayi..

24.02.2018 19:32    Metîn Eser

Şûnwarnas li Meksîka yê, di rêze şikeftên herî dirêj yên di bin avê de, vedîtina hestiyên benîadem yên 9.000 salî kevn û seramîka ji çanda Mayayiyan pêk anîn. Di şikeftekê de hestiyên ajalên bi nav..

Bixwîne
      18
Xebatên Li Ser Zimanê Îşaretê û Zarok
Zanistî

Xebatên Li Ser Zimanê Îşare..

24.02.2018 14:32    Metîn Eser

Pêçekên me dişibin sungêrên kefikê û her îşaret/tevgerên ku em pêk dihînin û gotinên ku em dibêjin, yekser ji me werdigirin. Lêkolîna nû ya li ser pêçekên heya yek salî diyar dike ku pêç..

Bixwîne
      29