dem: 12.05.2017 19:46 xwendin: 172

Bila ew milet şerm bike ku.

Gelê ku dijî hevduye dîrokêda cîyê wî tune
Gelê ku xwe nasnake nikare pêşkeve
Her gel bi gorî hiş û hêza xwe dijî
Û dimeşe.Gelê têgêhîştî tudem bindestîyê qebûl nake.

Bila ew milet şerm bike ku
Nikare welatê xwe 
Ê wêran kirî
                    talan kirî
                                  belabûyî
                                               dagir kirî
Ji rûxandinê rizgar bike.
Bila ew milet şerm bike ku
Nikare ewledên xwe
Ji zulm zorê 
Ji derbên hovan
Ji lêdanê 
              ji kuştinê ji qetlama
                                           ji girtinê
Ji penaberîyê 
                ji koçberîyê 
                                  ji helandinê biparêze.

Bila ew milet şerm bike ku
Kujerê resena xwe ra xizmetê dike
Tê kar anînê tê xapandinê
Yek û yekî pêpez dike
Derbêd giran li hev dixe.

Bila ew milet şerm bike ku 
Li meydana li bin alên cuda cuda xuya dike
Her yek jî xwe pêşeng 
                                  rêber 
                                         serok û çê dihesbîne
Tanga hevda xemsar û xaîne
Hemberî dujmin nikare
Yekbûna xwe ava bike
Bê biryar bê taqete
Xwe nasnake.

Bila ew milet şerm bike ku
Şeref û namûsa wî
Geç bûk û dayîka wî
Li bazaran tê kirîn firotanê
Lê hela hê jî ji alema dagirker
                                               qûnek
Alîkarîyê cavra dike.

Bila ew milet şerm bike ku
Nezane olpereste
Berekhes û kevneşope
Sextekar dilxar cavnebare
Yek û yekî qe hes nake
Bi îxanetî bi vaîskarî
Hemberî hevdu dimeşe
Nûjenbûnê qebûl nake.

Bila ew milet şerm bike ku
Bindest  berdest penabere
Jîyanek erzan derbaz dike
Nikare resena xwe ra xwedî derkeve
Xemsar û bê cesarete 
Nikare xwe
Ji zulm û zorê ji qetlama
Ji hovîtîyê biparêze 
Dijî hevdu radiweste
Pêşeroj çi tişte nizane
Sextekar û xelqpereste
Nikare kesayet û navdarên xwera
Xwedî derkeve
Tê  zêrandin şikêstandinê.

 

Bila ew milet şerm bike ku
Nikare azad bijî
Nikare ewladên xwe  ên hêja binirxîne
Hemberî hevdu xemsar û dilsare
Ji pêşketinan bêxebere sextekare
Bê fehm û barkaşe

Bila ew milet şerm bike ku
Jîyanek erzan rezîl derbaz dike
Penaber revok koçbere
Li ser axa welatê xwe
Bê cî bê par bê war bê destûr
Emrekî bê rûmet derbaz dike 
Cerdewan û cesûse.

Bila ew milet şerm bike ku
Hezar sale li bin zulm û zora
Barbarên dîrokê de dinale
Dagirkerîyêda tê zêrandin înkar kirin
Birîndare bi heware
Lê mixabin azadîyê ji kê dixwaze..

Bila ew millet şerm bike ku
Hevdu serwext nabe
Hevbeş nameşe
Şepirze û bê rûmete
Hevdu qebûl nake
Pêşeroja xwera îxanetê dike
 bêsavad 
                     nezan     
                          bindest û berdeste
Hertim tê xapandinê
 Hertim têk diçe.

Bila ew milet şerm bike ku
Beş beşîye kevneşope rezîle
Vê rewşêda ji dunya durî kujer u dagirker
Ji fahîşê mirovahîyê
Ji cîhana xwînxar 
                         sîtemkar 
                                    bê exlaq bê tore
Rizgarîyê wekhevîyê
Hîvî dike…….
***       ***      ****
Ez çawa pesnê te bidim ku
Neyarê te berê te  daye mirinê
Ji cî ware xwe diqetî
Kuda diçî ne dîyarî
Penoberî şepirzeyî
Hezar sale tar û marî
Hela hê jî serwext nabî
Vê rewşêda    
Bê yekbûn
Ji tera tune jîne
Ev cîhan ji bo te nîne
Şerme 
mafê xwe jîyanê
Ji dest bernede
Bê yekbûn ji tera jîne tune
                                          tune
                                                tune
Xwe nexapîne    
Ey mileto
Ey kurdo
Ey meyto
Bê kenîyo………


Bêwar Barî Teyfûrî

13.3.2016.

Pêveker: bila ew milet şerm bike ku.

Tevlîker

Barî Têyfûrî
Barî Têyfûrî

Berfirehî

Nivîsên Dawî

Jin û Berxwedana Jinê
Zanistî

Jin û Berxwedana Jinê

18.01.2018 18:58    Metîn Eser

Li seranserê cîhanê temenê jinê li hember temenê mêr dirêjtir e. Li hin welatên pêşketî temenê jinê bi qasî 10 salan ji temenê mêr dirêjtir e. Lê xebateke ku berfireh ya li çarkoşeyê cîhanê pê..

Bixwîne
      55
Balînayên Kujer û Menopoz
Zanistî

Balînayên Kujer û Menopoz..

16.01.2018 19:56    Metîn Eser

Çawa jin dikevin menopozê, wisa jî balînayên kujer yên mê di navbera temenê xwe yê 30 û 40 salî de, bi dil û daxwaziya xwe dikevin dewsa balînayên kujer yên nêr. Temenê balînaya kujer bi qasî 90 salan e û h..

Bixwîne
      68
Li Zelandaya Nû Vedîtina Fosîlên Şevşevoka Kolîner Pêkhat
Zanistî

Li Zelandaya Nû Vedîtina Fo..

14.01.2018 14:52    Metîn Eser

Li Zelandaya Nû vedîtina fosîla şevşevokeke tune bûyî pêk hat. Lêkolînerên cihêreng bi xebata xwe li Zelandaya Nû vedîtina fosîlên “şevşevoka kolîner” pêk anîn. Şevşevoka kolîner bi qasî sê caran ji..

Bixwîne
      84